Dwyieithrwydd ar waith

Cyflwynir drwy gyfrwng y Gymraeg

Bydd y sesiwn am ddim hon, gan Dîm Hybu Comisiynydd y Gymraeg, yn caniatáu i gyfranogwyr ddatblygu defnydd eu sefydliad o’r iaith Gymraeg. Bydd yn rhannu gwybodaeth, ymchwil a chymorth ymarferol ar sut i gynllunio i gynyddu defnydd o’r Gymraeg o fewn eu sefydliad.

Erbyn diwedd y sesiwn, bydd cyfranogwyr yn gallu:

• Deall cyd-destun hanesyddol a chyfredol y Gymraeg yn well
• Deall y sefyllfa ynglŷn â deddfwriaeth a pholisi cyhoeddus y Gymraeg yn well
• Deall perthnasedd y Gymraeg i’w cwsmeriaid a’u defnyddwyr gwasanaeth
• Disgrifio manteision y Gymraeg o fewn cyd-destun y trydydd sector
• Adnabod a defnyddio’r cymorth a’r cyngor sydd ar gael yn rhad ac am ddim gan Gomisiynydd y Gymraeg ac eraill.

Mae’r sesiwn yn addas ar gyfer:

• Gweithwyr, gwirfoddolwyr ac ymddiriedolwyr sydd eisiau dysgu mwy am rôl y Gymraeg o fewn eu sefydliad
• Swyddogion â chyfrifoldeb dros ddarpariaeth Gymraeg eu sefydliad
• Unigolion sydd eisiau deall mwy am berthnasedd y Gymraeg i’w rôl.

Uchafswm o ddau le i bob mudiad.

Rhagor o wybodaeth