Archwiliwch
Mae Llywodraeth Cymru wedi cyhoeddi Safonau Gofynnol Cenedlaethol (SGC) newydd ar wahan ar gyfer chwarae mynediad agored a reoleiddir. Mae SGC ar gyfer gofal plant a reoleiddir i blant hyd at 12 oed hefyd wedi eu cyhoeddi.
Bwriad y canllawiau statudol ar gyfer safonau chwarae mynediad agored a reoleiddir yw caniatáu dull hyblyg er mwyn i ddarparwyr allu datblygu darpariaeth o ansawdd, a honno wedi’i theilwra i anghenion plant, rhieni a chymunedau lleol. Maent wedi’u bwriadu i adlewyrchu anghenion plant pump i ddeuddeg oed, ac i fod yn gymesur o ran y ffordd y cânt eu cymhwyso.
Ar gyfer lleoliadau chwarae mynediad agored, mae’r SGC hyn yn SGC ar gyfer Gofal Plant a Reoleiddir a gyhoeddwyd ym mis Tachwedd 2023.
Yn y cyflwyniad i’r AGC newydd ar gyfer chwarae mynediad agored, dywed Llywodraeth Cymru:
‘Mae’r Safonau Gofynnol Cenedlaethol yn eich cefnogi chi a’ch staff i ddylanwadu’n gadarnhaol ar blant a’u teuluoedd mewn llawer o ffyrdd … Drwy gydberthynas â’r plant sy’n meithrin eu lles, a gofal sy’n ymateb iddynt yn emosiynol, a rhoi cyfleoedd iddynt chwarae, gall eich rôl gyfrannu at ysgogi eu gwydnwch a darparu sefydlogrwydd sy’n hyrwyddo eu lles heddiw a’u datblygiad hirdymor.’
Dywed Chwarae Cymru:
‘Mae Chwarae Cymru yn croesawu datblygiad SGC pwrpasol ar gyfer lleoliadau gwaith chwarae mynediad agored. Rydym wedi galw am hyn dros nifer o flynyddoedd ac mae’n ymateb yn uniongyrchol i argymhellion yn yr Adolygiad Gweinidogol o Chwarae. Rydym yn obeithiol y bydd y newidiadau hyn yn galluogi dull mwy cymesur o gofrestru ac arolygu ac yn cefnogi mwy o leoliadau gwaith chwarae mynediad agored i gofrestru.’