Archwiliwch
Mae Cronfa i Gymru yn agored i elusennau a mudiadau gwirfoddol bach, lleol, dan arweiniad y gymuned (er enghraifft cymdeithasau, mentrau cymdeithasol, Cwmnïau Buddiannau Cymunedol a chlybiau), gydag incwm blynyddol o lai na £100,000. Mae Cronfa i Gymru yn gronfa gwaddol gymunedol genedlaethol, sy’n cael ei rheoli a’i hyrwyddo gan Sefydliad Cymunedol Cymru.
Mae’r gronfa yn awyddus i roi grantiau sy’n arwain at y canlyniadau canlynol:
- Gwella cyfleoedd pobl mewn bywyd
- Adeiladu cymunedau cryfach
- Gwella amgylcheddau gwledig a threfol
- Annog pobl a chymunedau iachach a mwy egnïol
- Gwarchod treftadaeth a diwylliant.
Mae grantiau rhwng £500 a £2,500 y flwyddyn, am hyd at dair blynedd, ar gael i sefydliadau y mae eu ceisiadau’n cyflawni orau yn erbyn y canlyniadau a restrir.