Archwiliwch
Mae Plant yng Nghymru, mewn partneriaeth â Rhwydwaith Dileu Tlodi Plant Cymru (ECPN), wedi lansio ei Arolygon Tlodi Plant a Theuluoedd blynyddol. Nod yr arolygon yw nodi a deall mwy am broblemau presennol ac effaith tlodi ar blant, pobl ifanc a’u teuluoedd yng Nghymru.
Bydd yr adroddiad ar y canfyddiadau’n cael ei gyhoeddi ar wefan Plant yng Nghymru ym mis Medi 2023. Bydd y canfyddiadau hefyd yn cael eu defnyddio i lywio adnewyddiad Strategaeth Tlodi Plant Llywodraeth Cymru, y disgwylir iddi gael ei chyhoeddi ym mis Rhagfyr 2023.
Mae dwy fersiwn o’r arolwg ar gael – un ar gyfer ymarferwyr a gweithwyr proffesiynol, ac un ar gyfer plant a phobl ifanc. Mae’r ddau arolwg yn cymryd tua 15 munud i’w cwblhau.
Dyddiad cau ar gyfer arolwg: 16 Mehefin 2023