Archwiliwch
Diwrnod Chwarae yw’r diwrnod cenedlaethol ar gyfer chwarae, a ddethlir bob blwyddyn ledled y DU ar Ddydd Mercher cyntaf mis Awst. Byddwn yn dathlu Diwrnod Chwarae 2023 ar Ddydd Mercher 2 Awst.
Mae’n bleser gennym gyhoeddi mai’r thema ar gyfer Diwrnod Chwarae eleni yw …
Chwarae am y nesaf peth i ddim – gwneud pob diwrnod yn antur
Mae’r thema eleni’n canolbwyntio ar yr anturiaethau chwarae bob dydd, rhad neu am ddim, y gall plant eu mwynhau gartref, mewn lleoliadau chwarae, ac yn ein cymunedau.
’Does dim rhaid i gyfleoedd chwarae gynnwys gweithgareddau drud, teganau costus, neu deithio i gyrchfannau sy’n bell i ffwrdd. Yn aml iawn y syniadau symlaf, y cyfleoedd rhad ac am ddim a’r rhai y dewch ar eu traws ar ddamwain, sy’n cynnig fwyaf o hwyl, ac sydd o fwyaf o fudd datblygiadol i blant a phobl ifanc.
- Mae chwarae’n hanfodol i bob oed ac ym mhob cyfnod o blentyndod, ac mae’n arbennig o bwysig yn ystod adegau o argyfwng.
- Mae chwarae’n helpu plant a phobl ifanc i wneud synnwyr o’r byd o’u cwmpas, delio gyda heriau, a chynyddu gwytnwch.
- Mae chwarae’n hwyl, mae’n galluogi plant a phobl ifanc i wneud ffrindiau, gollwng stêm, ac ymdopi gyda straen a phryder.
- Mae chwarae’n hanfodol ar gyfer iechyd, hapusrwydd, a datblygu sgiliau plant a phobl ifanc yn cynnwys creadigedd, dychymyg, a’u synnwyr o antur.
Gwnewch y Diwrnod Chwarae hwn, a phob dydd, yn antur!
Am y newyddion diweddaraf am yr ymgyrch eleni, dilynwch Diwrnod Chwarae ar Facebook a Twitter ac ymunwch yn yr hwyl trwy ddefnyddio’r hashnod #DiwrnodChwarae2023.
Cydlynir Diwrnod Chwarae gan Chwarae Cymru, Play England, Play Scotland a PlayBoard Northern Ireland.