Archwiliwch
Mae tystiolaeth sylweddol bod chwarae ym myd natur a mynd yn fudr nid yn unig yn dda i feddyliau plant ond hefyd yn cefnogi system imiwnedd iach. Mae hyn yn ôl archwiliad o ymchwil a gyhoeddwyd ym mis Hydref 2022 gan BBC Future.
Mae’r dadansoddiad o ymchwil byd-eang yn dangos, yn ogystal â buddion seicolegol cadarn, y gall datguddiad i rai micro-organebau a geir mewn pridd hyfforddi’r system imiwnedd i ymdopi’n well â salwch. Mae tystiolaeth yn dangos y gall microbau cyfeillgar leihau’r tebygolrwydd o:
- asthma
- problemau croen fel ecsema a dermatitis
- alergeddau
- anhwylderau awto-imiwn fel clefyd Crohn
- ymatebion corfforol i straen fel llid.
Mae’r dadansoddiad ymchwil yn tynnu ar astudiaethau a gynhaliwyd gan amrywiaeth o wledydd yn cynnwys y Ffindir, yr Eidal, y Swistir a Korea.