Hanes polisi chwarae yng Nghymru

Mae Chwarae Cymru a Senedd Cymru (yn flaenorol, Cynulliad Cenedlaethol Cymru) yn rhannu hanes unigryw, neilltuol. Mae eu sefydlu – fel llywodraeth datganoledig ac fel yr elusen genedlaethol dros chwarae – â chysylltiadau clòs.

Gyda’n gilydd, rydym wedi sefydlu ymrwymiad i weithio’n gydweithrediadol i wneud Cymru’n wlad ble rydym yn cydnabod ac yn darparu ar gyfer anghenion chwarae pob plentyn.

Mae chwarae’n bwysig i bob plentyn ac i bob cymuned. Ers sefydlu Chwarae Cymru yn 1998, rydym wedi eiriol dros ac ymgyrchu’n llwyddiannus dros chwarae. Rydym wedi annog Llywodraeth Cymru i sicrhau cynnydd sy’n rhyngwladol arloesol ar ran plant ac rydym wedi cefnogi hyn yn weithredol.

Mae cefnogaeth gan Lywodraeth Cymru wedi galluogi Chwarae Cymru i:

• wthio am gyllid cynyddol ar gyfer chwarae plant
  • yn cynnwys ariannu oddi wrth Lywodraeth Cymru a’r Loteri FAWR
• dylanwadu ar sut y mae chwarae’n cael ei gydnabod yn genedlaethol
  • cefnogi datblygiad polisi a deddfwriaeth chwarae
  • cefnogi awdurdodau lleol i gyflawni eu cyfrifoldebau fel rhan o’r Ddyletswydd Digonolrwydd Cyfleoedd Chwarae
• chwarae rhan yn natblygiad gweithlu chwarae a gwaith chwarae dynamig
  • sicrhau bod y bobl hynny sy’n gweithio gyda phlant ac sy’n gwneud penderfyniadau am eu bywydau wedi eu hyfforddi mor dda â phosibl
• cymryd yr awenau wrth hyrwyddo ymwybyddiaeth cynyddol am bwysigrwydd chwarae
  • cyfrannu at ddealltwriaeth cyfrannol byd-eang am bwysigrwydd chwarae i iechyd a lles plant a chymunedau.