Archwiliwch
Rydym wedi cyhoeddi rhifyn newydd o Ffocws ar chwarae, sy’n ystyried rôl allweddol chwarae plant wrth hybu lles ac iechyd meddwl cadarnhaol. Mae wedi’i anelu at Fyrddau Partneriaeth Rhanbarthol a Byrddau Gwasanaethau Cyhoeddus ac mae’n trafod ffyrdd y gall cynlluniau lleol a rhanbarthol gefnogi chwarae.
Mae polisïau cenedlaethol a rhyngwladol yn amddiffyn hawl plant i chwarae. Yn 2010, Cymru oedd y wlad gyntaf yn y byd i ddeddfu dros chwarae drwy Fesur Plant a Theuluoedd (Cymru) 2010. Mae’r Ddyletswydd Digonolrwydd Cyfleoedd Chwarae yn gosod cyfrifoldeb ar awdurdodau lleol i ddangos i Lywodraeth Cymru sut maent yn darparu digon o gyfleoedd i blant chwarae yn eu hardal.
Yn y rhifyn hwn o Ffocws ar chwarae, rydym yn archwilio:
- sut mae chwarae yn cyfrannu at les uniongyrchol a thymor hir, iechyd corfforol, iechyd meddwl a gwytnwch plant
- y polisïau cenedlaethol a rhyngwladol sy’n deddfu ar gyfer ac yn cymeradwyo chwarae fel rhywbeth hanfodol i iechyd a lles plant
- gwaith chwarae a rôl gweithwyr chwarae wrth gefnogi darpariaeth chwarae plant
- pwysigrwydd cydgynhyrchu a sicrhau dulliau integredig at chwarae a lles
- sut y gall Byrddau Partneriaeth Rhanbarthol a Byrddau Gwasanaethau Cyhoeddus gyfrannu.