Chwarae mewn gofal iechyd

Awdur: Chwarae Cymru
Dyddiad: Mehefin 2025

Mae’r daflen wybodaeth hon yn trafod effaith gadarnhaol chwarae ar les plant ac arddegwyr sy’n profi salwch difrifol a thriniaeth mewn ysbyty. Mae’n disgrifio’r gwahanol rolau medrus ac arbenigol sydd gan y gweithlu chwarae iechyd – fel arbenigwyr chwarae iechyd, gweithwyr chwarae iechyd a gweithwyr ieuenctid ysbyty, ac yn trafod sut mae pob rôl yn cefnogi proses chwarae therapiwtig sy’n helpu plant ac arddegwyr sâl i addasu i leoliad gofal iechyd.

Mae’r daflen wybodaeth yn archwilio’r gwahanol ymyriadau chwarae iechyd a all gefnogi plant a’u teuluoedd i ddatblygu gwell dealltwriaeth o’u salwch a’u triniaeth. Mae’r ymyriadau hyn yn cynnwys:

• cymorth cyn mynd i’r ysbyty
• chwarae normaleiddio
• technegau tynnu sylw a chreu gwrthdyniad
• cymorth a chwarae wedi triniaeth

Mae’r daflen wybodaeth hefyd yn egluro pam ei bod yn bwysig darparu gwahanol fannau a chyfleoedd i blant mewn lleoliadau gofal iechyd chwarae, gan gynnwys ystafelloedd chwarae, mannau i blant hŷn a gofod awyr agored.