Chwarae a lles: o ymchwil i ymarfer

Mae cynhadledd genedlaethol Chwarae Cymru’n dychwelyd yr hydref hwn.

Mae’r gynhadledd hon yn llawn. Os hoffech chi gael eich hychwanegu i’r rhestr aros i fynychu, ebostiwch ni os gwelwch yn dda.

Ymunwch â ni i ddathlu lansio ein cyhoeddiad diweddaraf, Chwarae a lles. Bydd y gynhadledd hon yn gyfle pwysig i ddarganfod mwy am yr adolygiad o ymchwil diweddar i chwarae plant, polisi cymdeithasol ac ymarfer, gyda ffocws ar Gymru. Y canlyniad yw cyhoeddiad arloesol a chyffrous a fydd yn dylanwadu ar sut yr ydym yn cynllunio ac yn darparu ar gyfer chwarae plant.

Mae’r adolygiad llenyddiaeth yn archwilio’r cysylltiadau rhwng digonolrwydd cyfleoedd chwarae a lles plant. Mae’n tynnu’n bennaf ar ymchwil academaidd, ar draws ystod o ddisgyblaethau, ond mae hefyd yn tynnu ar lenyddiaeth broffesiynol, eiriolaeth ac ymarferydd ble y bo’n briodol. Mae’r adolygiad yn canolbwyntio ar rôl chwarae mewn lles plant, patrymau chwarae plant, a chefnogaeth oedolion i chwarae plant.

 Bydd y gynhadledd yn rhoi cyfle i gynadleddwyr:

• Glywed gan awduron yr adroddiad Chwarae a lles
• Cymryd rhan mewn trafodaeth fywiog am yr ymchwil a sut y mae’n effeithio ar eich gwaith
• Cyfrannu at weithdai astudiaethau achos sy’n ymwneud â themâu’r ymchwil, Adolygiad Gweinidogol o Chwarae a digonolrwydd cyfleoedd chwarae
• Ystyried sut y gall tystiolaeth o’r adolygiad llenyddiaeth ddylanwadu ar eich gwaith gyda phlant.

Nodyn: i gael y gorau o’r gynhadledd hon, rydym ynargymell eich bod yn darllen crynodeb Chwarae a lles cyn mynychu’r digwyddiad.

Prif siaradwyr

Ymhlith y siaradwyr mae:

• Dr Wendy Russell
• Ben Tawil, Ludiology
• Mike Barclay, Ludiology
• Rocio Cifuentes, Comisiynydd Plant Cymru
• Robyn Monro Miller, Llywydd yr International Play Association (IPA)

Rhaglen

Lawrlwytho rhaglen y gynhadledd

Nodyn: Gall y rhaglen newid, ond bydd amser cychwyn a gorffen y gynhadledd yn aros yr un fath.

Pwy ddylai fynychu?

Anelir y gynhadledd at: swyddogion digonolrwydd chwarae, ymarferwyr gofal plant a gwaith chwarae, aelodau etholedig mewn llywodraeth leol, a’r rhai sy’n ymwneud ag iechyd, addysg, teithio llesol, cynllunio tref a chymuned.

Llety

Mae Holiday Inn Canol y Ddinas Caerdydd yn cynnig pris gostynedig o £110 i gyfranogwyr. Mae’r pris yn cynnwys gwely a brecwasd ar gyfer un person. I dderbyn y gostyngiad, ebostiwch neu galwch 02920 347238 gan nodi’r côd: 6032505.