Archwiliwch
Mae Plant yng Nghymru wedi ail-lansio’r Grŵp Seneddol Hollbleidiol ar Blant. Mae’r grŵp yn rhoi cyfleoedd i Aelodau Senedd y DU a’r Arglwyddi o Gymru ymuno â’i gilydd i ddilyn pynciau o ddiddordeb sy’n ymwneud â babanod, plant a phobl ifanc yng Nghymru, gan gynnwys hawliau plant.
Caiff yr APPG ei gadeirio gan Gill German AS ac mae ar agor i aelodau Tŷ’r Cyffredin a Thŷ’r Arglwyddi, waeth beth fo’u plaid wleidyddol. Mae’n galluogi gwleidyddion i ymgysylltu ag arbenigwyr a sefydliadau y tu allan i’r Senedd a all ddarparu gwybodaeth arbenigol i lywio materion o bryder sy’n ymwneud â phlant, pobl ifanc a theuluoedd yng Nghymru.